«Բարբառներ» ակումբը ամփոփում է 2022-23 ուստարվա առաջին ուսումնական շրջանի գործունեության արդյունքները․․․
Հետաքրքիր նախաձեռնություններ՝
- «Բարբառներ» ակումբ․Ավագ դպրոցի իրանահայ սովորողները․
Կրթահամալիրի նոր դասավանդող Լևոն Միրզոյանի հետ իրականացրել ենք հետաքրքիր պարապմունք, զրույց-քննարկում Ավագ դպրոցի իրանահայ մի խումբ սովորողների հետ՝ իրանահայերենով և պարսկերեն լեզվով։ Քանի որ Լևոնը Մեղրիում գործող «Պարսից լեզվի ուսուցման կենտրոն»-ի ղեկավար է, տիրապետում է պարսկերենին, հաճախ է լինում հարևան Իրանում, նա սովորողներին ներկայացրեց հայկական համայնքի դերը Իրանի կյանքում, հայկական մշակութային ժառանգությունը Իրանում, ինչպես նաև խոսեց հայ-իրանական կապերի և դրանց կարևորության մասին։
Նախատեսում ենք Միջին-Ավագ դպրոցների պարսկերենի ուսուցման խմբերի մասնակցությամբ գարնանը Ուսումնահայրենագիտական, կրթամշակութային ճամփորդություն իրականացնել դեպի հարևան Իրան՝ համագործակցելով նաև պարսկերենի դասավանդող Վարսինե Մակարյանի հետ։ - «Բարբառներ» ակումբի սեբաստացիական նոյեմբերը-դեկտեմբերը․
Սեբաստացու օրերի շրջանակում «Բարբառներ» ակումբի անդամներ Սյուզաննա Սարգսյանը, Արմինե Գոգինյանը և Թամար Ղահրամանյանը իրականացրել են «Բարբառակիր սեբաստացիները» համագործակցային նախագիծը, որի շրջանակում իրենց անուշ բարբառներով ներկայացել են կրթահամալիրի մի խումբ դասավանդողներ և սովորողներ՝
–Արևելյան դպրոցի սեբաստացի բարբառակիրները /Սյուզաննա Սարգսյան և ընկերներ/
–Արևմտյան դպրոցի սեբաստացի բարբառակիրները /Արմինե Գոգինյան և հայրենագետների ակումբի սովորողներ/
–Քոլեջի սեբաստացի բարբառակիրները /Թամար Ղահրամանյան և ուսանողներ/ - «Մեր գերդաստանը» ընտանեկան նախագիծը՝ «Բարբառներ» ակումբի շրջանակում․
Շատ հետաքրքիր ստացվեց իմ՝ Վարդան Կարապետյանի հեղինակած «Մեր գերդաստանը» ընտանեկան նախագծի և «Բարբառներ» ակումբի կապը, որի շրջանակում Ավագ դպրոցի մի խումբ լիբանանահայ սովորողներ իրենց անուշ արևմտահայերենով ներկայացան իրենց տոհմական-ընտանեկան հետաքրքիր պատմություններով՝
–«Մեր գերդաստանը» ընտանեկան նախագիծը՝ անուշ արևմտահայերենով 1 /Վարդան Կարապետյան/
–«Մեր գերդաստանը» ընտանեկան նախագիծը՝ անուշ արևմտահայերենով 2 /Վարդան Կարապետյան/
–«Մեր գերդաստանը» ընտանեկան նախագիծը՝ անուշ արևմտահայերենով 3 /Վարդան Կարապետյան և Ավագ դպրոցի սովորողներ/ - «Բարբառներ» ակումբը՝ ուսումնահայրենագիտական ճամփորդությունների բաղադրիչ․
Ուսումնահայրենագիտական ճամփորդական նախագծերում միշտ տեղ է գտնում «Բարբառներ» ակումբը՝ տվյալ բնակավայրի բնակիչների հետ բարբառային զրույց-շփումներով, երգ ու պարով, խոհանոցի, ավանդույթների, նիստ ու կացի ուսումնասիրությամբ, այլ․․․
–«Բարբառներ» ակումբը Եղիպատրուշ գյուղում․մաս 1-ին
–«Բարբառներ» ակումբը Եղիպատրուշ գյուղում․մաս 2-րդ - «Բարբառներ» ակումբը՝ հունվարյան ձմեռային ճամբարի շրջանում․
Հունվարյան ձմեռային ճամբարը «Բարբառներ» ակումբի համար առավել ակտիվ գործունեության հնարավորություն է ստեղծում, մասնավորապես կրթահամալիրի կրտսեր դպրոցների սովորողների մասնակցությամբ բարբառային ընթերցումների ձևաչափով։ Նախորդ երկու տարիների փորձը ցույց է տվել, որ կրտսեր սեբաստացիները սիրով են սպասում իրենց ավագ բարբառակիր ընկերներին և դասավանդողներին։ Եվ ահա, առաջիկա հունվարը այդպիսի հետաքրքիր, հավես շրջան կլինի «Բարբառներ» ակումբի համար։
Հունվարյան ճամբարի շրջանում նաև նախատեսվում է Ձմեռային Ազգագրության փառատոնի շրջանակում Ավագ դպրոցի սփյուռքահայ սովորողների մասնակցությամբ հանդիպում ԳԱԱ ՀԱԻ առաջատար գիտաշխատող, բանագետ, ազգագրագետ, պ․գ․դ․ Հակոբ Չոլաքյանի հետ։
Սիրով՝ Վարդան Կարապետյան
«Բարբառներ» ակումբի համակարգող
«Բարբառներ» ակումբ 